Kategorie: Anlässe-Archiv

D Jugi vo üsem Bezirk geit am 29.06.2024 mit dr Jugi vom Bezirk Mittelland ufd Reuss.

Mir fahre ca. 3.5h uf dr Reuss vo Bremgarten bis Gebenstorf und tüe ner aschliessend zäme grilliere.

Aui Informatione fingsch uf em Flyer. Mir fröiie üs uf di!

Mir gö am 1. Juni ids verchehrshuus. Es isch meeega cool dert und het ganz viu spannendi Sache ds erläbe. Aui infos fingsch ufem Flyer 😊

Z (scho fasch traditionelle) Fuessbau Grümpi findet ou das Jahr am Pfingsmänti in Köllike statt u mir si iglade, dert ga mit z spile. Uf em Flyer befinde sich aui notwendige Informatione zum Turnier.

Es git zwöi Amäudige, eini isch zum Trikots bsteue (ou für die wo Intresse hei u nid wei mitspiele) u die angeri isch d’Amäudig für z’Grümputurnier säuber. Mir wärde die gliche Trikots bruche wie letscht Jahr, wär auso scho eis het, muess kes neus bsteue.

Dr Amäudeschluss isch am 26.04.2024

Am 4. Mai findet z Burgdorf es Klaju Sportturnier statt. A däm Sportturnier näme Jugendlechi us verschiedene Christleche Chiuchene teil. E cooli Glägeheit mit angerne Christe i Verbindig z’cho u mit ihne Gmeinscahft z’ha! Aui Infos fingsch ufem Flyer und uf dr Website vo Klaju.

Amäudig bitte via üses Amäudeformular, mir mäude när jenachdem wie viu mir sie Teams ah.

Flyer

Webseite Klaju

Anmeldung

Scho gli isch wieder es Jahr düre u mir möchte aus Jugi z’Jahr gmeinsam abschliesse mitem ne gmüetleche Zämesy und em ne feine Ässe. Mir luege zäme zrüg was mir aues erläbt hei i däm Jahr u mache e Usblick uf z’neue Jahr.

Aui Infos fingisch im Flyer.

Die Jugend wird im November ein Eishockey-Plausch-Spiel gegen Zürich-Süd veranstalten. Wird freue uns über jede Unterstützung auf und neben dem Eis.

Die Anmeldung für die Spieler:innen ist mit dem Button unten möglich.

Es besteht die Möglichkeit, nach dem Eishockeyspiel den Gottesdienst in Langenthal zu besuchen. Alle weiteren Infos findet ihr auf dem Flyer.

Für die Zuschauer:innen und Fans ist keine Anmeldung nötig.

D Jugi geit am 07.10.2023 is Alpamare. Bisch ou drbi?

Aui Infos zum Treffpunkt, Priis, etc. fingsch im Flyer wed ufe Button drücksch.

Ou Amäude chasch di grad hie!

Am 26.08.2023 mir zäme i Escape Room z’Bern zäme mit de Reli- u Konfschüeler. Aui Infos u d’Amäudig fingsch hie unger drane:

Flyer

Anmeldung

Am 17. Juni 2023 göh mir mit de 3 Berner-Bezirke i Europapark. Aui Informatione zum Alass fingsch uf em Flyer. Bisch ou drbi?

Dr Amäudeschluss für de Alass isch am 28. Mai.

Vom 19. Mai bis am 21. Mai verbringe mir zäme mitem Bezirk Basu es gmeinsams Wucheend mit viu Gmeinschaft u Spass. Mäud di am beste itz grad ah!